సూర్యపేట రహదారులకు మహర్దశ

సూర్యపేట రహదారులకు మహర్దశ 

కోటి రూపాయల అంచనా వ్యయం తో కొత్త రోడ్లకు శంకుస్థాపన

కోటి 25 లక్షలతో మూడు కొత్త పార్కుల నిర్మాణం 

శనివారం ఉదయం శంకుస్థాపన చేయనున్న మంత్రి జగదీష్ రెడ్డి

ఏర్పాట్లు పరిశీలించిన మున్సిపల్ సిబ్బంది

సూర్యపేట :

జిల్లా కేంద్రంగా రూపాంతరం చెందిన సూర్యపేట పట్టణం రోడ్ల విస్తరణ తో సుందరీకరణ జరుగుతున్న నేపద్యంలో మంత్రి జగదీష్ రెడ్డి కొత్త రోడ్ల ఏర్పాటకు శ్రీకారం చుట్టడంతో పట్టణ రోడ్లకు మహర్దశ పట్టినట్లైంది.అంతే గాకుండాముందెన్నడూ లేని రీతిలో ఏకకాలంలో కోటి 25 లక్షల అంచనా వ్యయంతో మూడు కొత్త పార్కులు నిర్మించాలి అన్న మంత్రి జగదీష్ రెడ్డి నిర్ణయం తో పట్టణ ప్రజలు హర్షాతిరేకాలు వ్యక్తం చేస్తున్నారు.పట్టణంలోనీ చారిత్రక ప్రాశయస్త్యం పొందిన సద్దుల చెరువు సమీపంలో 50 లక్షలతో నిర్మించ తలపెట్టిన పార్క్ తో పాటు రెండు పడకల ఇండ్ల నిర్మాణం తో పట్టణంలో పేరొందిన ఇందిరమ్మ కాలనిలో 50 లక్షలతో,ముత్యాలమ్మ గుడి వెనుక భాగంలో 25 లక్షల అంచనా వ్యయం తో నిర్మించ తలపెట్టిన పార్కులకు ఈ శనివారం ఉదయం స్థానిక శాసన సభ్యులు రాష్ట్ర విద్యుత్ శాఖామంత్రి గుంటకండ్ల జగదీష్ రెడ్డి శంకుస్థాపన చేయనున్నారు.అంతే గాకుండా రోడ్ల విస్తరణ తో కొత్త సొగసులు అద్దుకుంటున్న సూర్యపేట పట్టణంలో మారుమూల కాలనీలకు మెరుగైన రోడ్డు సౌకర్యం కల్పించాలి అన్న మంత్రి జగదీష్ రెడ్డి సంకల్పం మేరకు 14 లక్షల అంచనా వ్యయం తో అంబెడ్కర్ నగర్ లో,40 లక్షల అంచనా వ్యయం తో27 వ వార్డు పరిధిలోని ఆర్ కే గార్డెన్ సమీపంలో,అదే విదంగా 13 వార్డు పరిధిలోని అంజనాపూరి కాలనిలో 45 లక్షల అంచనా వ్యయంతో నిర్మించ తల పెట్టిన కొత్త రోడ్ల నిర్మాణాలకు మంత్రి జగదీష్ రెడ్డి ఈ శనివారం ఉదయం శంకుస్థాపన చేయనున్నారు.అందుకు సంబంధించిన పూర్తి ఏర్పాట్లు పూర్తి చేసినట్లు మున్సిపల్ అధికారులు తెలిపారు.

*Please cover*