*తెలంగాణ సంస్కృతికి నిలువుటద్దం బతుకమ్మ*
*తెలంగాణ సంస్కృతికి నిలువుటద్దం బతుకమ్మ*
నల్గొండ : బతుకమ్మ పండుగ తెలంగాణ సంస్కృతికి నిలువుటద్దమని జిల్లా అదనపు ఎస్పీ టి. పద్మనాభ రెడ్డి అన్నారు.
శనివారం జిల్లా పోలీసు కార్యాలయంలో పోలీస్ శాఖ ఆధ్వర్యంలో నిర్వహించిన బతుకమ్మ సంబరాలలో ఆయన పాల్గొని మాట్లాడారు. పువ్వులతో పూజ ప్రపంచ సంస్కృతి అని కానీ ఆ పువ్వులకే పూజ చేయడం తెలంగాణ అడబిడ్డలకే సొంతమని అన్నారు. యావత్ ప్రపంచంలో బతుకమ్మ పండుగ ద్వారా తెలంగాణ కీర్తి విశ్వవ్యాప్తం అయిందని చెప్పారు. తీరొక్క రంగుల పువ్వులతో గౌరమ్మగా బతుకమ్మను కొలుస్తూ తొమ్మిది రోజుల పాటు పువ్వుల పండుగ నిర్వహించుకోవడం అద్భుతమని పద్మనాభ రెడ్డి అన్నారు.
75 ఏండ్ల వయసులోనూ అదనపు ఎస్పీ పద్మనాభ రెడ్డి అత్తగారు ఎంతో ఉత్సాహంగా అందరిని ఉత్తేజ పరుస్తూ బతుకమ్మ పాటలు పాడుతూ సంబరాలకు మరింత శోభను చేకూర్చారు.
బతుకమ్మ సంబరాలలో ఆర్.ఐ.లు వై.వి.ప్రతాప్, నర్సింహా చారి, శంకర్, ఆర్.ఎస్.ఐ. వెంకట రాజు తో పోలీస్ సిబ్బంది కుటుంబాలు పెద్ద సంఖ్యలో పాల్గొన్నారు.
Comments
Post a Comment